- الموضوع الكاتب
- #1
السكوت: لغه ما بعد الكلام
في عالم بيصرخ كله ويزعق ويتكلم في كل اتجاه ييجي السكوت كأنه غريب كأنه مش من هنا
بس الحقيقه السكوت أوقات بيقول كتير أكتر من أي صوت وأقوى من أي صرخه
السكوت مش دايما راحه ولا ديما خوف
السكوت ساعات بيكون احترام وساعات ضعف وقله حيله وساعات بيكون خيانه
ساعات بنسكت علشان مش وقته وساعات بنسكت لأن مفيش أمل
والأصعب إنك تسكت وأنت جواك مليون كلمة بس مش لاقي حد يفهم.
انواع السكوت: حتى ده في انواع😏
سكوت الحكمه: لما يسكت اللي فاهم مش علشان مش عارف، بس لأنه عارف إن الكلام هيضيع على ناس مش جاهزة تسمع ومش هتقدر الكلام
سكوت القهر: لما تسكت علشان مش قادر مش ... مسموح أو لأنك عارف إن صوتك هيروح في الهوا
سكوت التجاهل: لما تبقى عارف كل حاجة بس بتختار تبان إنك مش واخد بالك
سكوت النهاية: السكوت اللي بييجي بعد وجع طويل وبعد محاولات كتير مش سكوت رضا ده سكوت استسلام
سكوت الوجع: وده اوسخ سكوت فيهم عشان من كتر ما اتوجعت وانت مش عارف تطلع اللي جواك بقيت خايف من البشر والحياه وكل حاجه حواليك فا بنسكت وتكتم في نفسك
السكوت في العلاقات:
أكتر لحظة موجعه في أي علاقه مش الزعيق … ولا الفراق
هي لحظة السكوت اللي بين اتنين كانوا بيتكلموا بالساعات وبقوا غرب.
سكوت بيقول أنا مبقتش عارفك
وسكوت تاني بيرد: وأنا مش عايز أشرح
وسكوت تالت بيقول: انت منين جبت القسوه دي
طب السكوت حلو؟:
مش دايما أوقات السكوت بيبوظ اللي حوالينا أكتر ما بيصلح اصلا
لما تسكت على الظلم أنت بتشارك فيه
ولما تسكت على اللي بيحبك وهو بيبعد بتخسره
ولما تسكت على حقك بيضيع
ولما تسكت على اللي جواك بتموت
الخلاصه:
السكوت مش دايما ضعف ولا دايما قوه
هو قرار وكل قرار ليه تمن
فلو هتسكت اسكت وأنت عارف أنت ليه ساكت
لأن في ناس سكوتها أنقذها وناس تانية ضاعوا من كتر ما سكتوا ❤️🩹
في عالم بيصرخ كله ويزعق ويتكلم في كل اتجاه ييجي السكوت كأنه غريب كأنه مش من هنا
بس الحقيقه السكوت أوقات بيقول كتير أكتر من أي صوت وأقوى من أي صرخه
السكوت مش دايما راحه ولا ديما خوف
السكوت ساعات بيكون احترام وساعات ضعف وقله حيله وساعات بيكون خيانه
ساعات بنسكت علشان مش وقته وساعات بنسكت لأن مفيش أمل
والأصعب إنك تسكت وأنت جواك مليون كلمة بس مش لاقي حد يفهم.
انواع السكوت: حتى ده في انواع😏
سكوت الحكمه: لما يسكت اللي فاهم مش علشان مش عارف، بس لأنه عارف إن الكلام هيضيع على ناس مش جاهزة تسمع ومش هتقدر الكلام
سكوت القهر: لما تسكت علشان مش قادر مش ... مسموح أو لأنك عارف إن صوتك هيروح في الهوا
سكوت التجاهل: لما تبقى عارف كل حاجة بس بتختار تبان إنك مش واخد بالك
سكوت النهاية: السكوت اللي بييجي بعد وجع طويل وبعد محاولات كتير مش سكوت رضا ده سكوت استسلام
سكوت الوجع: وده اوسخ سكوت فيهم عشان من كتر ما اتوجعت وانت مش عارف تطلع اللي جواك بقيت خايف من البشر والحياه وكل حاجه حواليك فا بنسكت وتكتم في نفسك
السكوت في العلاقات:
أكتر لحظة موجعه في أي علاقه مش الزعيق … ولا الفراق
هي لحظة السكوت اللي بين اتنين كانوا بيتكلموا بالساعات وبقوا غرب.
سكوت بيقول أنا مبقتش عارفك
وسكوت تاني بيرد: وأنا مش عايز أشرح
وسكوت تالت بيقول: انت منين جبت القسوه دي
طب السكوت حلو؟:
مش دايما أوقات السكوت بيبوظ اللي حوالينا أكتر ما بيصلح اصلا
لما تسكت على الظلم أنت بتشارك فيه
ولما تسكت على اللي بيحبك وهو بيبعد بتخسره
ولما تسكت على حقك بيضيع
ولما تسكت على اللي جواك بتموت
الخلاصه:
السكوت مش دايما ضعف ولا دايما قوه
هو قرار وكل قرار ليه تمن
فلو هتسكت اسكت وأنت عارف أنت ليه ساكت
لأن في ناس سكوتها أنقذها وناس تانية ضاعوا من كتر ما سكتوا ❤️🩹
